Visita Feira do Libro

 Como xa vos anunciamos, o Club de Lectura do alumnado da ESO xunto,  coa súa responsable Jennifer, visitou o pasado venres a Feira do Libro.  Aquí podedes velos a tod@s posando xunto con Fini Sesmonde, unha  das autoras que estaban a firmar os seus libros. Foi unha experiencia moi apreciada pola rapazada do club que xa están a desexar repetir esta aventura.

Actividade e Lecturas

Despois das vacacións, retomamos a andaina dos clubs de lectura con dúas actividades: Por unha banda, o grupo da ESO visitará este venres a Feira do Libro, instalada no Cantón da nosa cidade do 22 ao 24 de Abril, e por outra, o grupo de bacharelato reunirase para falar da súa lectura para este mes de abril.

 

Lecturas mes de abril

Neste novo mes adentrarémonos na mitoloxía galega lendo relatos cortos, ademais de compartir as nosas lecturas favoritas.

Apadriñando lecturas

 Dúas alumnas de 1º bacharelato reuníronse co grupo de lectura da ESO para falarlles e recomendarlles as lecturas de carácter científico que estiveron a ler en clase. Moitas grazas a Alejandra e Raquel, de 1º Bac. A, por atender a todas as cuestións que se lles plantexaron e compartir o seu tempo con nós.

LECTURAS MARZO

 Neste novo mes, aproveitaremos a celebración do Día Internacional da Muller para afondar nas figuras de Marie Curie e Rosa Parks, lendo os libros que aquí vos amosamos.

LECTURAS FEBREIRO

Rematado o primeiro trimestre, empezámolo ano con novas lecturas. Este mes o grupo dos máis novos  lerá manga. Deixámosvos aquí os títulos que xa podedes pasar a recoller pola biblio.

 

Por fin chegou o día...

 Despois dun curso sen club de lectura, reanudamos a actividade con grande ledicia e moita participación.

Moitas grazas a tod@s!